Adsense

NKPK - 006


NKPK - 005 இற்கான விடை

நேற்று தந்த புதிரில் இருந்ததெல்லாம் பன்னெடுங்காலமாக இந்து மதத்தின் வழிபாட்டுத் தலங்களாக இருந்து வந்து பின்னர் முகலாய படையெடுப்பின் போது இடிக்கப்பட்ட கோயில்கள்.

அவை முறையே
1. முதல் படத்தில் காசி விஸ்வநாதர் ஆலயம். இக்கோயில் பல்வேறு தாக்குதல்களுக்கு ஆட்பட்டு மீண்டும் புணர்நிர்மாணம் செய்யப்பட்டது. ஆனால் ஔரங்கசிப் அக்கோயிலை இடித்து விட்டு அந்த இடத்தில் மசூதியை எழுப்பினார். இப்போது இருக்கும் காசி விஸ்வநாதர் ஆலயம் 250 வருடங்களுக்குள்ளாக கட்டப்பட்டது தான். படத்தில் காட்டப்பட்டிருப்பது ஆதி காசி விஸ்வநாதர் ஆலயம். மசூதியின் பின்பகுதியில் பழங்கால கோயிலின் பாகம் இருப்பதைப் படத்தில் காணலாம். அயோத்தியா பிரச்சனை வந்த போது காசி விஸ்வநாதர் ஆலயத்தையும் மீட்டெடுப்போம் என்று விஸ்வ ஹிந்து பரிஷத் கோஷமிட்டது நினைவிருக்கலாம்
2. இரண்டாவது படத்தில் இருக்கும் கோயில் தற்போதைய இந்தியாவில் இல்லை. பிரஹலாத்புரி என்று அழைக்கப்படும் அக்கோயிலே நரசிம்ஹ அவதாரத்திற்குப் பின் ப்ரஹலாதனால் கட்டப்பட்டது. அது தற்போதைய பாகிஸ்தானில் இருக்கும் முல்தானில் இருக்கிறது. இக்கோயிலும் முகலாயர்கள் முல்தானை ஆக்கிரமித்த போது சிதைக்கப்பட்டது. பின்னர் பிரிட்டிஷ் காலத்தில் மேலும் சிதைவுக்குள்ளான இக்கோயில், அயோத்யாவில் பாபர் மசூதி இடிக்கப்பட்ட போது இப்போது இருக்கும் நிலைக்குத் தள்ளப்பட்டது.
3. மூன்றாவது கோயில் சோமநாதர் ஆலயம். குஜராத்தில் இருக்கிறது. பல முறை முகலாயர்களின் ஆக்கிரமிப்புக்கு உள்ளான இக்கோயில், கஜினி முகமது முதல் ஔரங்கசிப் வரை பல்வேறு முகமதிய மன்னர்களால் தொடர்ந்து இடிக்கப்பட்ட இக்கோயிலின் புணர்நிர்மாண பணிகள் பின்னர் சர்தார் வல்லபாய் படேலின் முயற்சியால் மீண்டும் மேற்கொள்ளப்பட்டன. இன்றைக்கு பார்க்கும் கோயில் ஆதி சோமநாதர் ஆலயமன்று. தற்போதைய கோயில் 1950க்குப் பின் கட்டப்பட்ட ஒன்று.

சரி இன்றைய புதிருக்கு வருவோம்.

NKPK - 006

கீழே கொடுக்கப்பட்ட இம் மூன்று ஆடவருக்கும் இடையே இருக்கும் பொதுவான ஒற்றுமை என்ன ?


No response to “NKPK - 006”

 
© 2009 அஞ்சறைப் பெட்டி.
Design by psdvibe | Bloggerized By LawnyDesignz |Ad block added by krishchandru | Distributed by Deluxe Templates | Header photo by Kannan Seetharaman